مزيجـٌ من الأحاسيسـْ يصنعُ التميّز و الإبدآأإعـــْ
 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 حلوياتبسيطة وسهلة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
‏«M!şš η∂3ôOmί»
مُراقـــِبهـْ عامَّــهـْ ...~
مُراقـــِبهـْ عامَّــهـْ ...~


انثى عدد المساهمات : 186
العمر : 21
البلد / المنطقة : chlef
المهنة / الترفيه : الرسم
MMS :
وسامك :
تاريخ التسجيل : 24/10/2009

مُساهمةموضوع: حلوياتبسيطة وسهلة   الخميس أكتوبر 29, 2009 1:59 pm


الحلو الأول...

ميني تشيز كيك

هذا التشيز كيك ما ياخذ منكم غير نص ساعة من تجهيز و طبخ... سهل و خفيف و لذيذ جداً

بنحتاج:

علبة بسكوت Hit minis بنكهة الليمون (في منه بنكهة الكابتشينو لكن ما جربته)
و هذي هي الحركة الجديدة... كان عندي عزيمة و ما عندي عندي وقت أسوي القاعدة، فتذكرت إن عندي هذا البسكوت و لمعت في راسي هالفكرة
و هذي صورته...








مقادير التشيز كيك:

12 حبة كيري بحرارة الغرفة (ضروري تكون بحرارة الغرفة، لأنها لو كانت باردة ما راح تندمج زين مع باقي المقادير)
4/3 كوب سكر
بيضتين
1 ملعقة صغيرة فانيلا

أول شي نحمي الفرن على حرارة 350، و نجيب صينية الميني كب كيك و نصف فيها القوالب الورقية، و ناخذ البسكوت و نفتحه و نحط القطعة اللي فيها الزبدة داخل القالب...



تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 86KB.





الحين نخلط الكيري و السكر لين يندمجون زين...


تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 71KB.





بعدين نضيف لهم البيض وحدة ورا وحدة مع الفانيلا...


تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 69KB.





نعبي القوالب بالخليط، عبوها فُل للأخير تقريباً...


تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 67KB.






ندخل الصينية الفرن لمدة ربع ساعة بالضبط، بعدين نطفي الفرن و نفتح الباب شوي و نخلي التشيز كيك 5 دقايق زيادة...

و هذا شكله بعد ما طلعته...


تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 90KB.






أما التوبينغ، لكم الحرية تستخدمون اللي تبون، أنا حطيت عليه توفي و مكسرات نفس حركة منال العالم، و اللي حابة تحط من الصوص الجاهز الفراولة أو الكرز أو التوت براحتكم...
و هذا شكله النهائي...


تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 88KB.




تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 82KB.




تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 77KB.






الحلو الثاني...

بسكويت السمسم


هذا البسكوت يشبه كثير البرازق، و قريب منه في الطعم...

90 غ زبدة = 9 ملاعق كبيرة
2/1 كوب سكر
بيضة
1 ملعقة كبيرة طحينية
1 ملعقة كبيرة عصير برتقال
4/1 ملعقة صغيرة هيل مطحون
4/3 كوب طحين
2/1 كوب لوز مطحون
4/1 كوب فستق محمص و مجروش خشن
سمسم

في وعاء عميق نخلط الزبدة و السكر و البيضة و الطحينية و عصير البرتقال و الهيل لحد ما يصير عندنا قوام كريمي...







هنا أنا نسيت البيضة و حطيتها بعدين Razz








نضيف للخليط الطحين و اللوز و الفستق...








هذي يد شوشو عشان تتبارك الطبخة

نعجن لين تصير عندنا عجينة ناعمة كثير و تلزق باليد... ممكن تضيفون شوية طحين عشان تتماسك شوي بس لا تكثرون... العجينة لازم تكون لينة...

الحين نجيب ورق نايلون و نفرشة عالكاونتر و نرش فوقه كمية محترمة من السمسم








ناخذ العجينة و نشكلها على شكل اسطواني بطول 24 سم تقريباً، و ندحرجها فوق السمسم لين تتغطى بالكامل...








إذا العجينة لينة كثير و ما قدرتوا تتحكمون بالشكل، حطوها بالثلاجة لمدة نص ساعة عشان تتماسك و يسهل علينا التشكيل...

الحين نغلفها بورق النايلون و ندخلها الثلاجة لحد ما تتماسك تماماً... تاخذ تقريباً ساعة... إذا ما عندكم وقت، حطوها بالفريزر لمدة ربع ساعة...









نحمي الفرن على حرارة 350، و نجهز الصواني و ندهنها بالزبدة أو الزيت...
نطلع العجينة من الثلاجة و نبدا نقطعها حلقات بسمك 5 ملم تقريباً...








نصفهم بالصواني و ندخلهم الفرن في الرف الأوسط لحد ما يتحمرون... من 7 إلى 10 دقايق...









بعد ما نطلعهم من الفرن، نخليهم دقيقتين عشان يتماسكون قبل ما نشيلهم...

و هذا شكلهم النهائي...












الطعم و الريحة شي خيااال لازم تجربونه


الحلو الثالث...

جواهر التمر و اللوز...


أول شي نحمي الفرن على حرارة 350... و نجهز الصواني...

2 كوب لوز مطحون
2/1 كوب تمر منزوع النواة
3/1 كوب سكر
1 ملعقة صغيرة بشر برتقال (الطعم مركز كثير ممكن تقللون الكمية)
4/1 كوب شراب الميبل maple syrup
بياض بيضة
1 كوب شرايح جوز الهند


نخلط كل المقادير مع بعض ما عدا جوز الهند (بنستخدمه بعدين)، و نحاول نفرك التمر بأصابعنا عشان يندمج مع باقي المقادير، لحد ما نحصل على عجينة لينة...












نحط جوز الهند في صحن، و ناخذ مقدار ملعقة صغيرة من العجينة و نغطيها بجوز الهند...









لأن شرايح جوز الهند كبيرة، نحاول نضغط عليها عشان تمسك في العجينة...

نصف الكور في الصينية و نحمرها بالفرن لمدة 10 دقايق...








و هذا شكلها النهائي... حلو غريب و طعمه مميز... و خلّو ضيوفكم يخمنون المكونات














الحلو الرابع و الأخير...

الماكاروونز بجوز الهند


هذا الحلو جداً هش و خفيف و الكل بيحبه

بياض بيضتين
4/3 كوب سكر
4/3 كوب مكسرات مجروشة أي نوع تفضلون (إختياري)
3/2 كوب جوز هند
و كاكاو سايح لتزيين

طبعاً ما ننسى نحمي الفرن و نجهز الصواني

أول شي نضرب بياض البيض في الخلاط لحد ما ينفش، بعدين نضيف له مقدار السكر بالتدريج و الخلاط شغّال لين ما يصير عندنا مارينغ متماسك...
نضيف له المكسرات (أنا ما استخدمتها) و جوز الهند و نحرك بملعقة خشب أو السباتولا من فوق لتحت لين تندمج المكونات...













ناخذ مقدار ملعقة صغيرة من الخليط و نسقطهم في الصينية... أو ممكن تستخدمون كيس الكريمة إذا تحبون... أنا شكلتهم بين ملعقتين صغار و صار عندي شكل بيضاوي...








ندخلهم الفرن لمدة ربع ساعة، لحد ما يتحمرون، و نتركهم يبردون بعدين نزينهم بالكاكاو... و هذي النتيجة النهائية...













هذي تشكيلة الحلويات اللي عندي و إن شاء الله تعجبكم وعوافي على قلوبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
salah+
مُـــدير ... ~
مُـــدير ... ~


عدد المساهمات : 82
المهنة / الترفيه : عبد عند الله - طالب - صاحب شركة
تاريخ التسجيل : 18/11/2009

مُساهمةموضوع: رد: حلوياتبسيطة وسهلة   الأربعاء يناير 27, 2010 6:41 am

تسلم ايدك

لكن الصور لم تظهر عندي

انا واثق من طرحك مميز كاعادة

_________________
أين الخطأ؟

هل الحب مثل الموت أو الحياة ؟ سؤال بلا جواب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حلوياتبسيطة وسهلة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنـــَــآٺــ & ولآد الجَــزآأئـــــڔ  :: ( ♥ღ مجالس البنات ღ♥) :: مطبخ حواء-
انتقل الى: